Os bancos do tempo son grupos de persoas motivadas para intercambiar tempo, adicándoo a tarefas puntuais de atención a persoas: nenos, xente maior, xente doente, entroutras, fomentando a oportunidade de coñecer e confiar nos demais, co obxectivo de resolver as necesidades da vida cotiá.

A única unidade de intercambio e valor é a hora, independentemente do servizo que se ofreza ou se reciba. Neste banco o tempo é a riqueza principal e, polo tanto, a unidade de valor. Todas as habilidades terán o mesmo valor, todo vale o tempo que se tarda en facelo.

Todos temos algo que dar e recibir, obrigatoriedade de intercambio. O BdT non é unha estrutura na que se da sen recibir a cambio, nin na que se recibe sen dar nada.

Non hai cambio directo de servizos, o tempo prestado por un membro seralle retribuído por calquera outro membro. Cámbiase tempo por tempo.

Todas as horas terán o mesmo valor, non hai servizos mais valiosos ca outros, tampouco escalas de valor dos servizos. Os servizos prestados correspóndense con actividades non profesionais que se realizan voluntariamente, o intercambio aséntase na boa vontade, na lóxica das relacións de boa veciñanza.

Obxectivos.

Trátase de fomentar na comunidade os servizos de cooperación entre mulleres e homes, entre individuos e familias, entre persoas de diferentes idades e condición e entre persoas do país de recén chegados, para intercambiar tempo e habilidades.

Apoiar á familia e a conciliación entre a vida profesional e a vida familiar a través da oferta de solucións précticas de organización da vida cotiá.

Construir unha cultura de solidariedade e promover o senso de comunidade, o encontro de persoas que conviven nos mesmos espazos, a colaboración entre xeracións e a construcción de relacións sociais mais humanas.

Valorizar o tempo e o cuidado dos outros, estimular os talentos e promover o recoñecemento das capacidades de cada un.

Promover a cooperación entre varias entidades públicas e privadas.

Os intercambios de boa veciñanza xa se viñan dando, pero trátase de facelo dunha maneira mais organizada e accesible. Queremos crear unha referencia, un lugar de encontro para a oferta e a demanda de tempo e tarefas.

Unha hora empregada en axudar a alguén producirá unha hora de crédito.

Qué se pode intercambiar.

O BdT EMPRENDE OURENSE rexistra o que a xente fai e ofrece vías para gastar tempo e obtelo a cambio. Unha vez que a xente forma parte do BdT desenvolve a creatividade pensando todas as maneiras en que pode utilizalo. Os bancos do tempo estánse a popularizar e actualmente funcionan en mais de vinte países para cubrir necesidades a afrontar problemas sociais, como os que agora desagregamos:

Atencións ás persoas: acompañar a nen@ ao colexio ou a diferentes actividades, ler contos ou xogar, coidar a persoas maiores e/ou enfermas, acompañar a persoas maiores ao médico, ler libros a persoas maiores, realizar xestións na rúa, contribuir ao asentamento de inmigrantes, transporte, axuda transversal a xóvenes con problemas.

Coidado do corpo e da saúde: dar masaxes, reflexoloxía, relajación, automaquillaxe, coidado do cabelo, cambio de imaxe, saúde mental, tratamento de adicións.

Tarefas domésticas: facer a compra, cociñar, coser, facer pequenas tarefas e reparacións domésticas, bricolaxe, coidar animais e prantas.

Informática: pasar traballos a ordenador, asesoramento informático.

Idiomas: clases, traducións, conversa.

Formación: apoio para realizar tarefas escolares, música, pintura, debuxo, decoración, titorías e mentoning.

Asesoramento e orientación: seguros, finanzas, abogad@s, psicólog@s.

Outras: protección do medio ambiente, preparación para o emprego, cambios nas políticas públicas, oportunidade de contribución para os discapacitados.